மகாத்மா காந்தி ஜெயந்தி 2024: வரலாறு, முக்கியத்துவம், கொண்டாட்டம்

முன்னுரை

மகாத்மா காந்தி ஜெயந்தி 2024: வரலாறு, முக்கியத்துவம், கொண்டாட்டம், மற்றும் மகாத்மா காந்தி அவர்கள் பற்றிய அறிந்திராத உண்மைகள் - நீங்கள் தெரிந்து கொள்ள Getfarms blog-இன் இந்தக் கட்டுரையைப் படியுங்கள்.

மகாத்மா காந்தியின் வாழ்க்கை வரலாறு

கரம்சந்த் காந்தி மற்றும் புத்லிபாய் ஆகியோரின் மகனான மகாத்மா காந்தியின் முழு பெயர் மோகன்தாஸ் காந்தி, 1869 ஆம் ஆண்டு அக்டோபர் 2-ம் தேதி இந்தியாவின் குஜராத்தில் உள்ள போர்பந்தரில் பிறந்தார். மகாத்மா காந்தியின் அர்ப்பணிப்பு, மற்றும் அகிம்சை ஆகியன இலங்கை, இந்தியா, மற்றும் உலகளவில் சமூதாய மாற்றங்களுக்கு வழிவகுத்தவர். அவர் 1888-ம் ஆண்டு லண்டனில் சட்டம் பயின்றார். 1893-ம் ஆண்டு அவர் தெற்கு ஆப்ரிக்கா சென்றபோது, அங்கு இந்தியர்களின் உரிமைகள் மீதான அடிப்படைக் கொள்கைகளை உருவாக்கினார். மகாத்மா காந்தி 1915-ல் இந்தியா திரும்பிய பிறகு, இந்திய தேசத்தின் ஒற்றுமை மற்றும் விடுதலைக்காக போராட ஆரம்பித்தார்.

காந்தியின் வாழ்க்கை ஒழுக்கம், எளிமை மற்றும் உண்மை ஆகியவற்றை கடை பிடித்து வாழ்ந்தார். பாரம்பரிய இந்திய உடைகளை அணிந்து, அவர் அமைதியான சத்யாகிரஹா போராட்டத்தின் கொள்கையை உருவாக்கினார், இதற்கான முக்கிய நோக்கம் அநீதியை எதிர்க்கும் அமைதியான முறையை அடிப்படையாகக் கொண்டதாகும். அகிம்சையின் அவரது தத்துவமும், அமைதியான வழிகளில் மக்களைத் திரட்டும் திறனும் அவருக்கு "மகாத்மா (பெரிய ஆன்மா)" என்ற மரியாதைக்குரிய பட்டத்தைப் பெற்றுத் தந்தது.

காந்தி ஜெயந்தி 2024 கொண்டாட்டங்கள்

இந்தியாவில் ஒவ்வொரு மாநிலத்திலும் காந்தி ஜெயந்தியை கொண்டாடப்படுகிறது. இந்த நாளில் தேசத்தந்தை அவர்களுக்கு ஒட்டுமொத்த தேசமும் மரியாதை செலுத்துகிறது. நமது நாட்டின் பிரதமர், ஜனாதிபதி மற்றும் பிற அரசியல் தலைவர்கள் ஒன்று கூடி டெல்லி, ராஜ்காட்டில் மகாத்மா காந்திக்கு அஞ்சலி செலுத்துகிறார்கள். மேலும், மாணவர்கள் அகிம்சை மற்றும் ஒற்றுமை பற்றிய மதிப்புமிக்க பாடங்களைக் கற்றுக்கொள்கிறார்கள். மகாத்மா காந்தியின் அர்ப்பணிப்பை நினைவுகூரும் வகையில் அரசு மற்றும் பல தனியார் நிறுவனங்கள் தேசபக்தி நிகழ்ச்சிகளுடன் பிரார்த்தனை கூட்டங்களையும் ஏற்பாடு செய்து கொண்டாடப்படுகிறது. : நவீன இந்திய அரசியலில் அப்பாவி குடிமக்கள் அடிப்படை உரிமைகளைப் பெற்றிட காந்திஜியின் வாழ்க்கை ஒரு ஆழமான பாடமாக இருந்து வருகிறது.

இந்தியாவில் காந்தி ஜெயந்தியைக் கொண்டாடுவதற்கான குறிப்பிடத்தக்க இடங்கள்

அகமதாபாத்தில் உள்ள சபர்மதி ஆசிரமம்

மும்பையில் உள்ள மணிபவன் காந்தி அருங்காட்சியகம்

புனேவில் உள்ள ஆகா கான் அரண்மனை

டெல்லியில் காந்தி ஸ்மிருதி

காந்திஜி பற்றிய சுவாரஸ்யமான உண்மைகள்

தென்னாப்பிரிக்காவில் 1893 இல் காந்திஜி நிறவெறி காரணமாக ஒரு ரயிலில் இருந்து வெளியேற்றப்பட்ட சம்பவம், அவரின் சமூக நீதிப் போராட்டத்திற்கு ஊக்கமாக அமைந்தது.

காந்திஜி தனது இளமைக்காலத்தில் உடல்நலத்திற்காக கோழிமுட்டை சாப்பிட்டார். ஆனால் பிறகு, சைவத்தை முழுமையாக கடைபிடிக்க முடிவு செய்தார். காந்திஜி எளிமையான வாழ்க்கையை முன்னிலைப்படுத்தினார். பாரம்பரிய இந்திய உடைகளை அணிந்து, கிராமங்களின் வளர்ச்சிக்காகப் பாடுபட்டார்

காந்திஜி ஐந்து முறை நோபல் அமைதி பரிசுக்கு பரிந்துரை செய்யப்பட்டார், ஆனால் பரிசு வழங்கப்படவில்லை.

காந்திஜியின் அகிம்சை தத்துவம், பிரிட்டிஷ் ஆதிக்கத்திற்கு எதிராக அவரின் சுதந்திரப் போராட்டத்தின் முக்கிய வழிமுறையாக இருந்தது.

ரஷ்ய எழுத்தாளர் லியோ டோல்ஸ்டாயுடன் அவர் சுவாரஸ்யமான நட்பைப் பேணி, சமூக மாற்றத்தின் மீது கருத்துகளைப் பகிர்ந்துகொண்டார்.

காந்திஜி 'நமஸ்தே' என்ற மரியாதை முறைமையை உலகம் முழுவதும் பரப்பியவர்களில் ஒருவர்.

காந்திஜியின் மூன்று குரங்கு வியூகமாக "தீமை பேசாதே, தீமை காணாதே, தீமை கேட்காதே" என்ற தத்துவம் மிகவும் பிரபலமானது.

காந்தி ஜெயந்தி 2024 இன் முக்கியத்துவம்

காந்தி ஜெயந்தி ஒவ்வொரு வருடமும் அக்டோபர் 2-ஆம் தேதி, மகாத்மா காந்தியின் பிறந்தநாளைக் குறிக்கும் விதமாக நாடு முழுவதும் கொண்டாடப்படுகிறது. ஐக்கிய நாடுகள் சபை 2007 ஆம் ஆண்டில் அக்டோபர் 2-ஆம் நாளை உலக அகிம்சை தினமாக அறிவித்தது. காந்திஜியின் அமைதியான போராட்டம், ஒடுக்கப்பட்ட மக்களுக்காக உலகம் முழுவதும் ஒரு பிரகாசமான உதாரணமாக இருக்கிறது. மேலும் இளைய தலைமுறைக்கு சுயமரியாதை, நாட்டுப்பற்று மற்றும் சமூக நலனில் பங்களிக்க உத்வேகம் அளிக்கும் நாளாக கொண்டாடப்படுகிறது.

2024 இல் காந்தி ஜெயந்தி அன்று அவரது அகிம்சை, உண்மை, சமத்துவம் ஆகிய தத்துவங்களை மற்றும் உலக ஒற்றுமைக்கு அவர் கொடுத்த நற்பயன்களை நம் நினைவில் வைத்து கொண்டாடப்படுகிறது.